Við getum varla beðið eftir því að opna vorið 2023 og þess vegna bjóðum við gjafabréfin okkar til sölu á vefnum. Gjafabréfið er „geggjuð“ jóla- eða tækifærisgjöf handa fjölskyldu eða vinum. Að svífa heilan kílómeter á hraða fuglsins er upplifun sem lætur engan ósnortinn.
Ferðin byrjar og endar í nýja kaffihúsinu við mynni Reykjadals í Hveragerði. Ferðin tekur um það bil 40 mínútur. Eftir innritun er farið yfir búnaðinn og svo er lagt af stað upp að flugturninum. Hægt er að kaupa tvær mismunandi ferðir, hefbundna, þar sem maður situr í stól, eða liggjandi fyrir adrenalínfíklana.
Til viðbótar er hægt að velja „frjálst fall“, þar sem stokkið er fram af flugturninum í línu sem grípur mann í síðustu metrunum. Þetta er sérstakt gjafabréf. Ekki gleyma að kaupa myndbandsupptöku af svifinu þegar þú nýtir gjafabréfið.
Útprentuðu gjafabréfin okkar eru einstaklega fallega hönnuð og samanbrotin svo hægt er að afhenda þau beint eða pakka þeim sérstaklega inn. Vinsamlega sendið okkur tölvupóst ef þið kjósið að fá útprentað kort. Hægt er að sækja þau á BSÍ-umferðarmiðstöð tveimur virkum dögum eftir kaup. Ef þið óskið þess að fá útprentaða kortið sent heim, þá þarf að senda okkur heimilisfang og bæta við „póstburðargjaldi“ (kr. 300) við kaupin. Í gjafabréfinu kemur fram nafn ferðarinnar sem gefin er og fyrir hversu marga. Útprentaða gjafabréfið kemur með gjafakortakóða sem hægt er að nýta til að panta ferðina á vefnum okkar.
Rafrænu gjafakortin (pdf-skjal) eru hentug fyrir þá sem vilja fá gjafakort en um leið að njóta þeirra þæginda að fá það sent með tölvupósti. Vinsamlegast sendið okkur tölvupóst ef þið viljið fá gjafabréfið sem pdf-skjal í rafrænu formi. Í gjafabréfinu er nafn þess sem á að fá bréfið, nafn flugsins sem í boði er ásamt gjafakóða sem notaður er til greiðslu ferðarinnar þegar pantað er á vefnum.
Veldu það gjafabréf sem passar við þá upplifun sem þú vilt prófa.
Gjafakortið er svo sent með gjafabréfakóða sem þú getur svo notað þegar þú bókar ferðina hjá okkur á vefnum. Viljir þú fá hefðbundið gjafabréf sent í pósti, þá vinsamlegast hafðu samband við okkur í gegnum tölvupóst. Einnig er í boði að fá gjafabréf sem huggulegt pdf skjal sem inniheldur gjafakóðann.
*Gjafabréfin gilda út árið 2024
